【靚太睇樓團】愛民邨360呎公屋大改造 36萬打造北歐風新派家居
發布時間： 2018/02/06 13:12
最後更新： 2018/08/24 16:02
只要肯花心思裝修，住公屋隨時靚過住私樓！公屋單位裝修的fb專頁「公屋裝修易」，早前上載了一輯何文田愛民邨2房單位裝修後的照片，全屋裝修連全屋傢俬約36萬。經大改造後，單位的北歐風格獲不少網民大讚！究竟公屋裝修後可以有幾靚？立即睇睇。
該單位位於何文田愛民邨的2房單位，實用面積360呎，由5人一同居住。屋主今次為其家居大改造，全屋裝修連傢俬花了36萬。整個單位以北歐風格為主，全屋做了很多間隔櫃及牆身櫃來增加收納空間，因此實用之餘，看上去絲毫不覺擠逼。
單位只得300多尺大，難免沒太大空間改做，設計師唯有靈活運用空間及傢俬擺放。例如在客廳區的天花加裝木條子，而減輕3個橫樑的壓迫感；梳化亦可一物多用，既可從底部拿出茶几，又可展開變成雙人床。
飯廳方面，亦可因應需要，將大餐檯變成6人適用或8人適用，以方便騰出空間。
另外，客飯廳亦配有各款特色小擺設，配合燈光及窗簾，亦有助營造氣氛。
廚廁方面，雖然受先天所限空間不大，但至少應有設備都一應俱全。
至於2房，其中一房為下面5尺床，上面3尺床；另一間房則為上面3尺床，下面4尺床，起碼夠用。
